Беларуская – самая мая! Прачытайце гэты сказ і ўдумайцеся. На якое са слоў не паставіш лагічны націск, заўжды адчуеш, як мы, беларусы, ганарымся сваёй мовай, беражом і любім яе.

 “Ад прадзедаў спакон вякоў” дасталася  нам наша багатая спадчына – казкі, загадкі, забаўлянкі,прыказкі, прымаўкі, песні, традыцыі, рамёствы.

Узнавіць ужо вядомае і даведацца пра невядомае, захапіцца выкананнем разнастайных заданняў і, праявіўшы актыўнасць і кемлівасць, пры падтрымцы сяброў справіцца з пастаўленымі задачамі змаглі сёння дзеці падчас інтэлектуальна-пазнавальнай гульні “Беларуская – самая мая!”, на якую запрасіла ўсіх жадаючых настаўніца беларускай мовы і літаратуры Алена Ўладзіміраўна Яновіч.

Праз цікавую гульню  падрастаючае пакаленне далучаецца да самай нашай, да  самай лепшай, самай непаўторнай і самай мілагучнай  беларускай мовы.