На нашай вялікай планеце цудоўных моў шмат. Адны з іх вабяць прыгажосцю і непаўторнасцю, другія - мілагучнасцю. Але для кожнага чалавека на Зямлі самая блізкая  толькі адна мова - родная! Нашы дзеці павінны ведаць і адчуваць гэта ўсім сэрцам.

У фармаце інтэлектуальнай гульні «Знаўцы роднай мовы» настаўнік беларускай мовы і літаратуры Алена Уладзіміраўна Яновіч прапанавала вучням акунуцца ў чароўны свет беларускай мовы. Падчас гульні Знаўцы ўзгадвалі беларускія прыказкі, расшыфроўвалі фразеалагізмы, падбіралі беларускія адпаведнікі да рускіх слоў, разгадвалі загадкі. Рабілі гэта дружна і весела. А самае галоўнае, вучні яшчэ раз пераканаліся,  якая прыгожая і мілагучная наша родная мова.