Для ўдзельнікаў тэматычнай змены  «Гэтае слова тваё і маё»  прайшоў фотаконкурс «Ілюстрацыя». Па ўмовах конкурсу неабходна было стварыць арыгінальную фатаграфію-ілюстрацыю да твора, напісанага беларускім аўтарам на беларускай мове.

Сярод выбраных для конкурсу твораў былі паэтычны зборнік «Дудка беларуская» Францішака Багушэвіча, раман «Сэрца на далоні» Івана Шамякіна, п’еса «Хто смяецца апошнім» Кандрата Крапівы, аповесць «Палескія рабінзоны» Янкі Маўра, а таксама нарыс «Зямля пад белымі крыламі» і раман «Чорны замак Альшанскі»  Уладзіміра Караткевіча.